Bull Dogg yongeye guhamiriza umugore we urukundo rutavangiye amukunda imbere y’abafana be

Umuhanzi Bull Dogg umenyerewe hano mu Rwanda mu ndirimbo nyinshi zikunzwe cyane ndetse akaba ari numwe mu bahanzi b’abaraperi bazwi cyane ndetse banakunze kugarukwaho kubera ibikorwa bitandukanye bagenda bakora bigashimisha abakunzi b’umuziki nyarwanda, ku munsi w’ejo, abinyujije ku rukuta rwe rwa Instagram yavuze amagambo aryohereye cyane ku mukunzi we, Muvunyi Nelly, amutaka ndetse anamwifuriza isabukuru nziza y’amavuko.

Nkuko bigaragara muri aya magambo Bull Dogg yatangaje abinyujije ku rukuta rwe rwa Instagram, biragaragara ko agifitiye urukundo rutaryarya uyu mukunzi we ndetse yanashimangiye imbere y’imbaga nyamwinshi y’abafana be ko akimeranye neza n’uyu mukunzi we uzwi ku mazina ya Muvunyi Nelly. Ibi bikaba ari na bimwe mu byashimwe na bamwe mu bafana be bamufashije kwifuriza isabukuru nziza uyu mukunzi we.