Geovanis
Urwego rw’Igihugu rw’Ubugenzacyaha rukorera mu karere ka Bugesera rwataye muri yombi umusore w’imyaka 33, ukurikiranyweho gusambanya abana b’abahungu icyenda.
Ku wa 1 Ukwakira 2022, nibwo uyu musore yaje gutabwa muri yombi, aho bivugwa ko iki cyaha cyo gusambanya abana b’abahungu icyenda yagikoze mu bihe bitandukanye by’ukwezi kwa Nzeri 2022.
Abana bikekwa ko basambanyijwe n’uyu musore ni abari hagati y’imyaka itandatu ndetse n’icyenda y’amavuko. Kuri ubu bakaba bamaze koherezwa kuri Isange One Stop Center ikorera mu bitaro bya Nyamata ngo bakorerwe isuzuma ndetse banitabweho.
Icyaha cyo gusambanya umwana gihanwa n’ingingo ya 14 y’itegeko nimero 69/2019 ryo ku wa 8 Ugushyingo 2019 rihindura itegeko nimero 69/2018 ryo ku wa 30 Kanama 2018 riteganya ibyaha n’ibihano muri rusange.
