HARAGIRIMANA Dieudonne
Robert Kyagulanyi uzwi nka Bobi Wine ni muhanzi wo mu gihugu cya Uganda uzwi mu ndirimbo zakunzwe muri Uganda na Africa.
Yagiye muri Leta Zunze Ubumwe z’Abarabu mu gitaramo cyo gufasha abana b’abanya-Uganda bakunze kujya muri iki gihugu gushakayo akazi ariko bagahurirayo n’ibibazo birimo ihohoterwa.
Yavuze ko yageze ku kibuga cy’indege afatwa n’inzego z’umutekano, zikamuhata ibibazo umwanya munini nubwo nyuma zaje kumureka agakomeza urugendo rwe.
Yanditse ati “Nageze i Dubai saa 8:30 z’umugoroba, ubu turi saa kumi n’imwe za mu gitondo. Nahaswe ibibazo mu gihe cy’amasaha umunani. Nabajijwe ibijyanye n’amakuru ya njye bwite nakwa nimero za telefoni, z’abagize umuryango wanjye.
Yavuze ko yatswe impapuro z’urugendo na telefoni bye, ndetse ko bisa n’aho yatawe muri yombi.
Mu masaha make yakurikiyeho Bobi yongeye kwandika ko ari i Dubai mu gitaramo cyo gufasha abakozi bajya gukorera muri uyu mujyi ndetse ko yamaze amasaha arenga icumi ku kibuga cy’indege ariko ko yarekuwe , ibyangombwa bye nabyo yabisubijwe.
