HARAGIRIMANA Dieudonne
Nyuma yuko bigaragaye ko Mauricio Pochettino umusaruro we ari iyanga, Paris Saint-Germain yamaze gutangaza ko byeruye yamaze gutandukana n’uyu mutoza, hakaba habura kumuha ibisabwa gusa.
Mauricio Pochettino yatoje iyi kipe mu mezi 18, muri season yuzuye yabashije gutwara igikombe cya League 1, aho yarushije ikipe ya Marcelle ya kabiri amanota 15 yose.
Uburakari bwo kumwirukana bukaba bwarazamuwe n’uko yavanywemo na Real Madrid muri ⅛ mu marushanwa ya Champions league.
Nyuma y’uko muri 2021 Thomas Tuchel avuye muri iyi kipe agasimbuzwa Mauricio Pochettino, PSG ntabwo yigeze itsindwa mu mikino y’imbere mu gihugu, gusa bikaba byaragiye byanga ku ruhando mpuzamahanga.
Nyuma y’uko Pochettino asezerewe, ku rutonde rurerure rw’abatoza hariho Mourinho wa AS Rome, Christophe Galtier wa Monaco ndetse na Zinadine Zidane bigaragara ko arusha amahirwe abandi bose.
