HARAGIRIMANA Dieudonne
Ku munsi wo kuwa kabiri tariki ya 7 nibwo rutahizamu w’ikipe ya APR FC Byiringiro Lague yahagurutse hano mu Rwanda yerekeza i Burayi aho yari agiye gukomereza kariyeri ye y’umupira w’amaguru.
Uyu musore yaje guhaguruka hano mu Rwanda agiye gukina mu ikipe ya Sundvikens IF yo mu gihugu cya Suedé, ariko uko benshi bari babizi siko byari bimeze. Abakunzi b’umupira w’amaguru benshi bari baziko Byiringiro Lague yahagurutse hano mu Rwanda ari buhite yerekeza i Burayi ariko uyu musore yabanje guca mu gihugu cya Kenya.
Byiringiro Lague, mu gihugu cya Kenya yagombaga kujyayo kuko niho yari bubonere VISA ituma yerekeza i Burayi kuko hano mu Rwanda kuyibona byari byaranze ahitamo kujya kuyishakira muri Kenya. Yaje kuyibona rero yemererwa kwerekeza i Burayi.
Amakuru YEGOB twamenye ni uko kugeza ubu Byiringiro Lague agiye kugaruka hano mu Rwanda nyuma yo kubona VISA nubwo benshi ndetse nawe ubwe bari baziko azahita agenda kugaruka mu Rwanda bitazashoboka. Biravugwa ko Lague, mu gihugu cya Kenya banze ko yahahagurukira ahubwo bamubwira ko agomba kugaruka iwabo akaba ariho azuririra indege yerekeza i Burayi.
Amakuru dufite ni uko hatagize igihinduka Byiringiro Lague hano mu Rwanda nta n’iminsi igera kuri 2 azahamara ahubwo azahita yurira indege ajye gukina muri Sundvikens IF ikina icyiciro cya gatatu muri Suedé.
