HARAGIRIMANA Dieudonne
Bizasaba kugirwa inama ngo yisubireho! Umukinnyi wa Rayon Sports ari kureba ayingwe n’umutoza Yamen Zelfani urimo gutukana cyane muri iyi minsi
Umukinnyi w’ikipe ya Rayon Sports Hategekimana Bonheur wari umaze iminsi yitwara neza ndetse anakunzwe n’abafana benshi kugeza ubu kugirango azasubire mu izamu bishobora kuzagorana cyane.
Ku mukino ikipe ya Rayon Sports yatsinzemo ikipe ya Gasogi United ibitego 2-1, nyuma y’uyu mukino umuzamu Hategekimana Bonheur na Yamen Zelfani utoza Rayon Sports bagiranye ikibazo gikomeye bigera naho batukana mu buryo bwatunguye abantu benshi.
Nyuma yaho byaje kuvugwa ko aba bombi biyunze ariko nyuma yo kutagaragara ku mukino wabaye ku munsi wejo hashize ubwo Rayon Sports yanganyaga n’ikipe ya Gorilla FC twaje gushaka kumenya impamvu. YEGOB twaje kumenya ko uyu musore ngo ibibazo afitanye n’umutoza kugeza ubu biracyahari ndetse ngo binakomeje kuba bibi cyane.
Ibi bivuze ko kuba Hategekimana Bonheur yatangiye kudakoreshwa kubera iki kibazo agifitanye n’umutoza mukuru bishobora kumuviramo kubura umwanya burundu atagize icyo abikoraho mu magaru mashya.
