Bivuze ko usoma agasembuye, azifata mapfubyi kugeza gusaba no gukwa birangiye! Hari ibinyobwa bikunzwe cyane kurusha ibindi bitazagaragara mu bukwe bwa Miss Uwicyeza Pamela na The Ben

Mu muhango wo gusaba no gukwa utegerejwe ku wa 15 Ukuboza 2023, nta manyinya yemerewe kuhagera.

Bivuze ko usoma agasembuye, azifata mapfubyi kugeza gusaba no gukwa birangiye.

Ni ibyasabwe n’umuryango wa Uwicyeza Pamella bitewe n’uko ari abakirisitu badashaka ibisindisha, ahubwo hakazakoreshwa ibinyobwa bidasembuye.

Mu gihe cya vuba cyane The Ben yiteguye gusohora indirimbo nshya irimo amagambo y’imitoma yahimbiye umugore we. Ni indirimbo izaba isohotse nyuma y’imyaka hafi ine uyu muhanzi atuje kuko iyo aheruka ni ‘Suko’ yagiye hanze ku wa 30 Ukuboza 2019.

Indirimbo nshya ya The Ben irimo amagambo yomora imitima y’abakundana by’umwihariko akaba azayiririmbira umugore we ku munsi w’ubukwe.