HARAGIRIMANA Dieudonne
Bitunguranye Nishimwe Blaize agiye kuba inyenyeri mu bakinnyi b’abanyarwanda basigaye bafite ikipe hano mu Rwanda kubera ibyo yerekanye
Umukinnyi wakiniraga ikipe ya Rayon Sports mu kibuga hagati Nishimwe Blaise nyuma yo kubona ikipe hano mu Rwanda ashobora kuba agiye kuba umukinnyi uzajya ahamagarwa mu ikipe y’igihugu.
Ku munsi wo kuwa kabiri tariki 18 Nyakanga 2023, nibwo twabatangarije ko umukinnyi w’ikipe y’igihugu y’u Rwanda Amavubi wakinira Rayon Sports NISHIMWE Blaise yamaze kwerekeza mu ikipe ya Kiyovu Sports nyuma yo kwishimira n’umutoza mushya Koukours Petros urimo gutoza iyi kipe.
Uyu mutoza ku munsi wejo nibwo yakoranye imyitozo na Nishimwe Blaise ndetse n’abandi bakinnyi ba Kiyovu Sports, ariko amakuru twamenye ni uko Petros yishimiye imikinire y’uyu musore werekanye ko ari umukinnyi mwiza nubwo ajya yivangira rimwe na rimwe agakora ibitumvikana.
Mu myaka 2 Nishimwe Blaise yari amaze mu ikipe ya Rayon Sports yagaragaje ko ari umukinnyi mwiza ariko kubera imyitwarire idahitse yagaragaje bituma asubira inyuma ndetse bimuviramo gutakaza umwanya wo gukina burundu.
