THIERRY Mugiraneza
Kuva muri Werurwe 2022 nibwo ishyirahamwe ry’umupira w’amaguru mu Rwanda (FERWAFA) ryatangaje ku mugaragaro ko ryasinyishije umugabo w’umunya-Espagne nk’umutoza mushya wa Amavubi asimbuye Mashami Vincent.
Icyo gihe Carlos Alos yasinye amasezerano y’umwaka umwe.
Carlos utaratangiye neza mu munsi ye ya mbere dore ko Amavubi yahise akubitwa na Ethiopia bikayabuza kubona itike y’imikino ya CHAN.
Nyuma y’uko Amavubi abuze itike ya CHAN hakurikiyeho gushaka itike y’imikino y’igikombe cya Afurika 2023( AFCON 2023).
Amavubi yisanze mu itsinda L aho amaze gukina imikino itatu akaba afite amanota abiri kuko yanganyije na Mozambique igitego kimwe kuri kimwe, nyuma atsindwa na Senegal igitego kimwe ku busa ananganya na Benin igitego kimwe kuri kimwe.
Kuri ubu Carlos Alos yongerewe amasezerano y’imyaka 2 azamugeza muri 2025 mu gihe uyu mutoza afite amanota 3 kuri 15 mu mikino y’amarushanwa yakinnye.
Carlos Alos Ferrer afite imikino itatu irimbere aho, Amavubi azakina na Benin ku itariki 29/03/2023, agakina na Mozambique ku itariki 12/06/2023 ndetse na Senegal ku itariki 4/9/2023. U Rwanda rukareba ko rwasubira muri CAN nyuma y’imyaka igiye kuba 20.
