Social Mula
Biravugwa ko umwana w’imyaka 16 yiyahuye anywa uburozi bw’imbeba nyuma yuko umuyobozi w’ishuri rye amututse kubera umusatsi we muremure maze amusaba kuwukuraho muri Tamil Nadu, mu Buhinde.
Ikinyamakuru DT Next cyatangaje ko uwahohotewe witwa L Vishal, ufite imyaka 16, wigaga kw’ishuri ryisumbuye rya Leta rya Thirunageswaram, bivugwa ko yiyahuye nyuma yuko umuyobozi w’ishuri rye amucyaha imbere ya nyina ku bijyanye n’imisatsi miremire ye tariki ya 25 Ukwakira.
Umuyobozi w’ishuri yabonye umusatsi muremure wa Vishal kandi bivugwa ko yamwibanzeho kuko binyuranyije n’imyitwarire y’ishuri. Uyu muyobozi yihanangirije umunyeshuri amusaba gukuraho umusatsi amubwira ndetse no kuzana ababyeyi be ku ishuri.
Ku ya 25 Ukwakira, ubwo Vishal yazanaga na nyina kugira ngo abonane n’umuyobozi w’ikigo, uyu muyobozi yongeye gucyaha Vishal, kuri iyi nshuro imbere ya nyina w’umuhungu ku bijyanye n’umusatsi we muremure. Vishal, bivugwa ko yababajwe n’iki kibazo, yahisemo kwiyahura nyuma y’uwo munsi. Nyuma yo gusubira mu rugo avuye kw’ishuri, bivugwa ko Vishal yafashe uburozi bw’imbeba ubwo yafataga amashusho avuga ko umuyobozi w’ishuri ari we nyirabayazana w’urupfu rwe.
Vishal yahise ajyanwa mu bitaro kwivuza. gusa arembye cyane kubera ubukana bw’uburozi maze apfa ku cyumweru, tariki ya 31 Ukwakira.
