Biratangaje: Umukecuru w’imyaka 90 yarangije kwiga muri kaminuza nyuma y’imyaka 71 yarahagaritse kwiga

Joyce Viola de Fauw umukecuru w’imyaka 90 y’amavuko wo muri Leta zunze Ubumwe z’Amerika yarangije amashuri ye ya kaminuza.

Joyce Viola de Fauw ubu ufite imyaka 90 y’amavuko yari yaratangiye kwiga muri kaminuza mu mwaka wi 1951 aho yigaga muri kaminuza yitwa Northern Illinois University yiga uburezi n’ubukungu,ariko nyuma y’imyaka itatu n’igice aza kureka ishuri ashyingiranwa n’umugabo bahuriye mu rusengero akamutwara umutima.

Nyuma uwo mugabo yaje kwitaba imana ariko mukecuru De Fauw aza gushaka undi mugabo wa kabiri, mukecuru De Fauw ubu uri mu kiruhuko kizabukuru yatangiye kwiga akoresheje ikoranabuhanga kuva muri 2019 none ubu yabonye impamyabumenyi y’ikiciro cya kabiri cya kaminuza mu bumenyi rusange ayikuye muri kaminuza yitwa College of Liberal Arts and Sciences.

Mukecuru De Fauw ubu ni umubyeyi w’abana 9, abuzukuru 17 ndetse n’abuzukuruza 26.