Biratangaje cyane: umugore utari uzi ko atwite yabyariye mu ndege bitunguranye

Umugore utari uziko atwite yabyariye mu ndege ya sosiyete y’Abaholandi, KLM ubwo yavaga muri Equateur yerekeza muri Espagne.

Ibi byatangajwe n’umuvugizi wa sosiyete ya KLM ku wa Gatandatu w’icyumweru gishize, avuga ko abahanga mu buvuzi bafashije uyu mubyeyi kwibaruka neza “ndetse ubuzima bw’umwana n’umubyeyi bumeze neza.”

Nyuma yo kwakirwa n’Ibitaro bya Haarleem, uyu mubyeyi witwa Tamara ni bwo byamenyekanye ko yavaga aho muri Equateur agana muri Espagne ariko indege ikabanza kunyura by’igihe gito ku kibuga cya Schipol mu Buholandi nk’uko byatangajwe n’ibyo bitaro.

Uyu mugore akaba yatunguye abantu nyuma yo kuvuga ko yabyaye atari azi ko atwite.