Biratangaje: Abaturage bikoreye imbogo ku biti bajya kuyijugunya

Mu Karere ka Musanze haravugwa inkuru y’imbogo yari yacitse muri Pariki ikaza itambagira muri uyu mujyi ndetse igatangira gusagarira bamwe mu baturage yahasanze.

Ibi byabaye kuri iki cyumweru tariki ya 29 Gicurasi aho iyi mbogo yatorotse Pariki agaca mu Murenge wa Cyuve yinjira mu wa Muhoza imanuka ahitwa Nyamagumba, Kabaya yinjira mu Murenge wa Muko mu Kagari ka Kivugiza mu Mudugudu wa Susa.

Nyuma yo gutangira gusagarira abaturage hafashwe icyemezo cyo kuyirasa kuko no kuyisubiza muri pariki byari byananiranye.

Nyuma yo kuyirasa abaturage bayishyize ku biti barayikorera bajya kuyijugunya.