Aphrodis Nizeyimana
Umusifuzi wasifuye umukino w’u Rwanda n’ikipe y’igihugu ya Benin ashobora guhamwa mu gihe CAF yasanga ataranditse ikarita yahaye Muhire Kevin.
Umusifuzi mpuzamahanga ukomoka mu gihugu cya Botswana witwa Joshua Bondo wasifuye umukino ubanza wahuje u Rwanda na Benin biravugwa ko ashobora guhamwa mu gihe CAF yasanga muri raporo yatanze atarashyizemo ikarita yahaye umukinnyi w’ikipe y’igihugu Amavubi Muhire Kevin.
Ibi byatangiye kuvugwa ubwo umukino wo kwishyura wabereye kuri Kigali Pelé stadium warangiraga amakipe yombi anganyije 1-1 umukino ukirangira umutoza w’ikipe y’Iguhugu ya Benin witwa Gernot Rhor yahise atangaza ko bamaze gutanga ikirego muri CAF ko u Rwanda rwakinishije umukinnyi ufite amakarita abiri y’umuhondo bisobanuye ko atemerewe gukina umukino ukurikira.
Ibi bisobanuye neza ko uyu musifuzi w’umunyabotswana Joshua Bondo ashobora guhanwa igihe yasanga muri raporo yatanze atarashyizemo ikarita yahaye Muhire Kevin.
