Biratangaje: Ifoto ya rutahizamu wa Manchester united yagaragaye ateze taxi ikomeje guca ibintu

Rutahizamu Alejandro Garnacho yafashwe amashusho agiye mu myitozo ya Manchester United kuri uyu wa Gatanu,tariki ya 17 Gashyantare yateze Taxi ndetse yicaye inyuma.

Uyu mukinnyi wa United yari aje ku kazi ku kibuga cy’imyitozo cya Carrington HQ,amasaha make nyuma yo kunganya ibitego 2-2 na FC Barcelona muri Europa League.

Nyuma yo kwinjira mu kibuga mu minota ya nyuma asimbuye kuri Nou Camp,uyu umunya Argentina ukina aca ku mpande Garnacho w’imyaka 18,yahise atega taxi imuzana mu myitozo mu gitondo cyakurikiyeho.

Ubu buryo yakoresheje burashimisha cyane umunyabigwi Sir Alex Ferguson.

Uyu yigeze gushwana na myugariro Wes Brown ubwo yamubonaga ari kubyigana n’abantu kwinjira muri bisi aho gutega taxi.

Garnacho yinjiye mu kibuga ku munota wa 81 bakina na Barca kuwa Kane w’iki cyumweru.