Aphrodis Nizeyimana
Birabe ibyuya: Ikipe ya Real Madrid na FC Barcelona zishobora kubuzwa gukina Champions League.
Ikipe ya Real Madrid ndetse na FC Barcelona zikunzwe cyane ku Isi hari amakuru avuga ko izi kipe zishobora kudakina imikino ya Champions League kubera ko Leta y’igihugu cya Espane yivanze mu kibazo cya Luis Rubiales wasomye umugore ukinira ikipe y’igihugu ya Espane nyuma y’uko iyi kipe yegukanye igikombe cy’Isi itsinze u Bwongereza.
Luis Rubiales wari perezida w’ishyirahamwe ry’umupira w’amaguru muri Espane akaza gusoma Jenni Hermoso akomeje kuba ikibazo mu Isi y’umupira w’amaguru aho bivugwa ko uyu mugabo ashobora guhagarikwa imyaka 15 yose atagaragara mu bikorwa bya siporo.
Ubu biravugwa ko igihe cyose UEFA yaha agaciro ikirego cy’uko Leta ya Espane yivanze mu mupira byagira ingaruka zikomeye cyane ku ikipe y’igihugu ya Espane ndetse n’amakipe yose yo muri iki gihugu azakina amarushanwa yo ku mugabane w’i Burayi.
Amakipe arangajwe imbere na Real Madrid na FC Barcelona, Atlético de Madrid ndetse na Real Sociedad zahita zikurwa mu makipe azakina Champions League ni mu gihe Villarreal na Real Betisand zizakina Europa League nazo zahita zikurwamo ndetse tutibagiwe Osasuna yakurwa muri Europa Conference League.
Amategeko ya UEFA ateganya ko iyo Leta yivanze muri siporo ikipe y’igihugu ndetse n’andi amakipe yo muri icyo gihugu ahanishwa kudakina imikino mpuzamahanga.
