HARAGIRIMANA Dieudonne
Uyu mubyeyi witwa Mushimiyimana Marie Jeanne utuye ku Gisozi mu mujyi wa Kigali yavuze ko agahinda aterwa no gutotezwa azira abana be bavukanye ubumuga bw’uruhu ,aho avugako n’umugabo we yamutaye kubera bano bana.
Jeanne ubwo yasurwaga na Afrimax Tv yasobanuye ko akimara kubyara umwana wa mbere, agasanga afite ubumuga bw’uruhu yasabye Imana kumuha undi mwana udasanzwe , maze birangira abyaye undi umeze nk’uwambere. . Yavuze ko kandi umugabo we yamaze kubona babyaye umwana wa mbere afite ubumuga,ahita amutana inda y’ukwezi kumwe arigendera.
Uyu mubyeyi yavuze ko abantu bamutoteza bamuziza aba bana be,ndetse bakamubuza ko bahura n’abana babo.Yagize ati:”hari igihe nagiye gucumbika ahantu barambwira ngo ntibashaka ko abana babo bahura n’abanjye banyima inzu….undi munsi nagiye gusaba ikiraka cyo gufura babonye mfite aba bana barakinyima ngo ntibyavamo.”
