Birababaje: uwari ugiye kurongora yakubiswe n’inkuba arimo kwifotoza ku munsi w’ubukwe

Umusore wari ugiye gukora ubukwe yakubiswe n’inkuba arapfa ubwo yafataga amafoto y’ubukwe.

Ibi byabaye kandi biteye ubwoba byabereye mu Bushinwa mu gace kitwa Jade Dragon Snow Mountain mu ntara ya Yunnan mu cyumweru gishize.

Uyu mugabo uzwi ku izina rya Ruan, yakubiswe n’inkuba mu gihe cyo gufotora ubukwe n’umukunzi we kuri Spruce Meadow, ahantu nyaburanga hazwi cyane.Amakuru avuga ko uyu mukwe yahise ajyanwa mu bitaro aho bamenyesheje ko yapfuye.

Mbere yuko inkuba ikubita, abategetsi b’Abashinwa ngo batanze umuburo ko ari mu bihe bibi byimvura ko abantu bagomba kwitwararika. Nubwo hari inkuba nyinshi n’imirabyo abashakanye ngo bahisemo gukomeza kwifotoza gusa bigeze hagati inkuba yakubise umukwe.

Amashusho yerekanaga abashinzwe ubutabazi batwaye uyu mugabo wari witabye Imana bamujyana kwa muganga mu mvura nyinshi.