Birababaje: Ibyo inkende zakoreye umubyeyi wari uri konsa umwana we biteye agahinda

Itsinda ry’inkende zambuye umubyeyi uruhinja ubwo yari ari kuruha ibere. Ibi byabereye mu giturage cya Mwamgongo I Kigoma mu majyaruguru ashyira uburasirazuba bwa Tanzania. Iki giturage gihana imbibe na pariki ya Gombe National Park.

Ibi byabaye mu mpera z’icyumweru dusoje aho uyu mubyeyi yari ari konsa uruhinja rw’ukwezi kumwe, inkende zikaza zikamwambura uyu mwana zishaka kumwijyanira.

Ibi bikimara kuba uyu mubyeyi yavugije indura atabaza n’uko abaturanyi baza ku nzu ye ku mutabara bambura izo nkende umwana we nk’uko byatangajwe na James Manyama uyobora Polisi.

Ubwo aba baturage barwanaga nizi nkende byatumye uyu mwana akomereka ku ijosi ndetse no mu mutwe.

Urwo ruhinja rwahise rujyanwa ku iviriro ryari hafi aho kugira ngo rwitabweho n’abaganga gusa rwaje guhita rwitaba Imana ubwo rwari ruri guhabwa ubuvuzi.