Ben Moussa nyuma yo gutangazwa n’ubuhanga bwa Ishimwe Anicet yamwise umunya Brazil maze amugirira inama izamufasha kuguma kwitwara neza

Mu mukino wahuje ikipe ya Rayon Sports na APR FC muri shampiyona y’umupira w’amaguru mu Rwanda ku munsi wa 14 bikaza kurangira APR FC inyabitse Rayon Sports igitego 1-0 cya Yannick Bizigamira ku mupira yahawe na Ishimwe Anicet.

Uyu Ishimwe Anicet yinjiye mu kibuga asimbura Manishimwe Djabel aza gutanga umupira wavuyemo igitego cya Bizimana Yannick ari na cyo cyatandukanyije impande zombi.

Nyuma y’uyu mukino Ben Moussa akaba yavuze ko Ishimwe Anicet ari umukinnyi ufite impano itangaje, we abona ari umunya-Brazil w’umunyarwanda uzagera kure n’akomeza gukora cyane.

Ishimwe Anicet  akaba ari inshuro ya 2 ababaje Rayon Sports kuko no muri 2021 yinjiye mu kibuga asimbura atsindira APR FC igitego ari na cyo cyahesheje APR FC intsinzi ya 1-0.