HARAGIRIMANA Dieudonne
Ben Moussa niwe urimo gutuma APR FC idatangaza umutoza mushya uzayigeza kure mu mikino nyafurika
Umutoza w’ikipe ya APR FC kugeza ubu Ben Moussa niwe ukomeje gutuma ikipe ya APR FC idatangaza kumugaragaro umutoza mushya uzayitoza umwaka utaha w’imikino.
Sezo 2022/2023, imaze igihe gito itangiye nibwo umunya-Tunisia, Ben Moussa utoza APR FC yahawe inshingano zo gufasha iyi kipe y’ingabo z’igihugu gutwara igikombe cya Shampiyona nyuma yo gutandukana na Adil Mohamed Erradi nyuma yo kutumvikana n’ubuyobozi.
Amakuru YEGOB twamenye ni uko Ben Moussa yahawe amasezerano y’umwaka umwe Kandi kugeza ubu amasezerano yahawe ntabwo arashyirwaho akadomo. Amakuru ahari avuga ko ari byo bikomeje gutuma APR FC idashyira ahagaragara umutoza mushya kuko uwo bafite atararangiza amasezerano, kandi bishobora kuba bibi.
APR FC ikomeje kuganira n’abatoza benshi kandi bakomeye urimo kuvugwa cyane, ni Patrick Aussems watozaga ikipe ya AFS Leopards yo muri DRC ariko ntibirashyirwa ahagaragara, turacyategereje ubuyobozi bw’iyi kipe.
