Kubwayo Mc croix
Bayingana David yatangaje ku mugaragaro ko yababajwe cyane n’ibyo Sengabo Jean Bosco, uzwi ku izina rya Fatakumavuta, amushinja mu rukiko rw’ibanze rwa Kicukiro, ku wa 5 Ugushyingo 2024. Mu itangazo yanyujije mu nyandiko, Bayingana yavuze ko ibyo Sengabo amushinja bigamije kumwangisha abantu no kumuharabika mu buryo bukomeye.
Mu magambo ye, Bayingana yagaragaje ko afite ishema rikomeye ryo kuba Umunyarwanda, kandi ko atemera ivangura iryo ari ryo ryose mu buzima bwe. Ati: “Mu buzima bwanjye bwose, uko narezwe, natojwe, nize, nta na hamwe mpurira n’ivangura iryo ari ryo ryose, kandi ndwanya n’ingufu zanjye zose irondakoko aho riva rikagera.” Yongeyeho ko agendera ku ndangagaciro z’Umunyarwanda wiyubashye, kandi ko ibyo Sengabo amushinja abifata nk’ibihabanye n’ukuri.
Ibaruwa David Bayingana yageneye abamukurikira
