Barohamye mu kiyaga cya Kivu ubwo bari bavuye gusaba umugeni

Ubwato bwari butwaye abantu bavuye gusaba umugeni bwarohamye mu kiyaga cya Kivu, umwe ahita ahasiga ubuzima.

Ibi byabaye ku wa kane tariki ya 27 Mutarama 2022, ubwo ubwato bwari butwaye abantu bavuye gusaba umugeni mu karere ka Rusizi bwarohamaga mu Kivu.

Ubu bwato bwari butwaye abantu 20 ubwo bwarihamaga, umwe yahise yitaba Imana mu gihe undi umwe yamburiwe irengero.

Abayobozi butangaza ko iyi mpanuka yatewe n’imiraba myinshi yari iri mu kiyaga dore ko n’imvura yari iri kugwa.

Ubwo iyi mpanuka yabaga ubwato bw’abarobyi bakorera muri icyo kiyaga nibwo bwahise buza gutabara.

Ubuyobozi bwasabye abantu bakora ingendo zo mu mazi kuzajya bambara imyambaro yabugenewe ifasha abakoze impanuka batarohama.