Bari bazi agaciro kayo! Benengango binjiye mu rugo rw’umuhanzi Fally Ipupa maze biba isaha ye gusa yaguze amamiliyoni

Urugo rw’umuhanzi Fally Ipupa rwinjiriwe n’abajura bataramenyekana bamwiba isaha ifite agaciro ka miliyoni 68Frw.

Uyu muhanzi yibwe mu ijoro ryo ku wa 25 Ugushyingo 2023 ubwo yari mu gitaramo cyabereye i Paris.

Urubuga rwa BFMTV ruvuga ko nta modoka nyinshi zari zemerewe kunyura hafi y’ahaberaga iki gitaramo ndetse abapolisi bari hirya no hino hafi ya París La Défense Arena.

Ubwo Polisi yari icunze umutekano ahari igitaramo abajura babiri bataramenyekana binjiriye urugo rwa Fally Ipupa ruri muri Komine ya Neuilly-sur-Seine banyuze mu idirishya, bamwiba isaha yakozwe n’uruganda Audemars Piguet igura ibihumbi 50 by’Amayero (miliyoni 68,028,117 Frw).