THIERRY Mugiraneza
Sikenshi cyane dukunze kubona abakinnyi bakinnye kurwego ruhambaye kandi bafitanye isano, kubwiyo mpamvu muriyi nkuru tugiye kugaruka kubakinnyi b’umupira w’amaguru bibyamamare bafitanye isano.
Bamwe muri aba bakinnyi ni abavandimwe, abandi ni ababyara, ariko bose babaye ibihanganye mu kibuga. Aba bakinnyi b’umupira w’amaguru ntabwo buri gihe baba kuruhande rumwe iyo bari mukibuga, kuburyo usanga babana neza iyo bari mu miryango yabo ariko mugihe cy’umukino ugasanga umubano wabo uba utarimwiza.
Bamwe murabo ni aba:
1.Jerome na Kevin-prince Boateng
Jerome Boateng yamaze igihe akina muri Bundesliga kuva 2000-2010, nyuma yaje kwerekeza muri Manchester City muri 2010 usibyeko atahatinze kuko nyuma yumwaka umwe yaje kugaruka muri Bayern Munich. Kuva yagaruka muri Bundesliga, yakiniye Bayern imikino irenga 300 kandi ayifasha gutwara ibikombe birindwi bikurikirana bya Bundesliga ariko kugeza ubu akina muri Lyon yo mu bufaransa.
Murumuna wa Jerome, Kevin-Prince, arusha imyaka ibiri gusa, ukina mukibuga hagati, amaze gukinira amakipe 14 atandukanye , arimo FC Barcelona, Portsmouth, na AC Milan.
Igitangaje nubwo aba bakinnyi bavukana ariko ntabwo bakinira amakipe y’ibihugu amwe. Kevin-Prince afite ubwenegihugu bwa Gana, igihugu cya se, ariko Jerome, afite ubwenegihugu bw’Ubudage, aho bombi bavukiye.
2.Lionel Messi na Bojan Krkic
Kabuhariwe Lionel Messi wamenyekaniye mwikipe ya FC Barcelona afite mubyarawe witwa Bojan Krkic bakinannye mwikipe ya FC Barcelona.Nubwo bakinnanye mwikipe imwe uyu Bojan Krkic we ntago yamamaye nka mubyara we LIONEL MESSI aho ubu asigaye akina mugihugu cy’Ubuyapani.
3.Fabio na Paolo Cannavaro
Aba bakinnyi bose bakomoka mu gihugu cy’ubutariyani batangiriye umwuga wabo muri Napoli ariko nyuma bose baje gukomereza muri Parma. Ariko mugihe cyabo muri Napoli Fabio Cannavaro yamenyekanye mu gihe gito ugereranyije na murumunawe. Fabio Cannavaro yakomereje muri Inter Milan, Real Madrid, na Juventus, maze mu 2006, nyuma yo gufasha Ubutaliyani gutwara igikombe cy’isi yaje guhabwa igihembo cya Ballon d’or cyabaye icya mbere kuri myugariro.
Paolo Cannavaro yaje, gusubira mwikipe ya Napoli, aho yayikiniye imyaka y’imikino(seasons) irindwi mbere yo guhagarika umwuga we.
4.Fabio na Rafael Da Silva
Abavandimwe bombi, Fabio na Rafael bose binjiye muri Manchester United baturutse mu ikipe yo muri Brazil yitwa Fluminese muri 2008.By’umwihariko Rafael, yakiniye Machesterter United imikino 169 afasha Manchester United gutwara ibikombe bitatu bya Premier League ndetse na Champions League. Ku rundi ruhande, Fabio yakiniye Machester United imikino 56 gusa .Muri 2010 yafashije Manchester United gutwara Premier League na Community Shield.
Uyu munsi, Fabio da silva akinira Nantes muri Champion y’Ubufansa(LIGUE 1) , naho Rafael da silva akina muri shampiona yikiciro cyambere muri Brazil.
5.Lucas na Theo Hernandez
Theo Hernandez ni umukinnyi w’umufaransa wakiniye Real Madrid, Real Sociedad, ariko ikipe aheruka gukinira ni AC Milan, aho yamamaye nk’umwe mu bakinnyi bakomeye ba Serie A.
Lucas Hernandez Arusha imyaka ibiri murumuna we Theo Hernandez, yatangiriye umwuga we muri Atletico Madrid nyuma aza kwerekeza muri Bayern Munich imuguze miliyoni 88 z’amadorali. Yagize kandi uruhare rukomeye mu ikipe y’Ubufaransa kuko yatwaranye nayo igikombe cyisi muri 2018.
.
6.Jordan na Andre Ayew
Aba bakinnyi b’umupira w’amaguru bakomoka muri Africa. Ni abahungu babyawe n’umugabo wabaye ikirangirire mumupira wamaguru wa Afurika ari we Abedi “Pele” Ayew. Andre na Jordan Ayew bombi bitwaye neza mu Bufaransa no mu Bwongereza ndetse bakaba bose baritwaye neza no mwikipe y’igihugu ya Ghana.
7.Eden Hazard na Thorgan Hazard
Aba ni abavandimwe b’Ababiligi ariko uwamenyekanye cyane ni Eden Hazard wamenyekaniye muri Chelsea,akaba yarayinjiyemo muri 2012 akahava 2019 yerekeza muri Real Madrid. yayitsindiye ikipe ya Chelsea ibitego birenga 100 anatwarana niyi kipe ibikombe 2 bya premier league, Eden Hazard mbere yuko aza muri Chelsea yari asanzwe ari umukinnyi LOSC Lille mugihe Thorgan Hozard yari umukinnyi wa RC Lens.Thorgan Hazard we yerekeje muri shampiona y’Ubudage mw’ikipe ya Borussia Monchengladbach muri 2015.
Muri season eshanu Thorgan yamaze mwikipe ya Borrusia Monnchen Gladbach, Thorgan yatsinze ibitego 46 ariko nyuma yagiye muri Borussia Dortmund arinaho agikina kugeza ubu.
