Epaphrodite Nsengimana
Mu rukerera rwo kuri uyu wa Gatanu tariki 23 Kamena 2023, nibwo mu Rwanda hose hasakaye inkuru y’inshamugongo, y’uko Pastor Théogene Niyonshuti wamenyekanye nka Inzahuke yapfuye azize impanuka yakoreye mu gihugu cya Uganda.
Nyuma y’amasaha make iyi nkuru imenyekanye, umunyamakuru Murungi Sabin wa Isimbi Tv usanzwe ari inshuti y’umuryango wa Pastor Théogene yahamije iby’urupfu rw’uyu mukozi w’Imana.
Abinyujije kuri Shene ye ya YouTube, Sabin yavuze ko aya makuru yayamenye ari mu Bufaransa, aho umugore wa Pastor Théogene witwa Uwanyana Assia, yabanje kumuhamagara maze agasanga telephone ye idacamo kubera ko yari hanze y’igihugu ndetse n’igihe iciyemo network ziragorana.
Sabin yavuze ko yaje gusanga Mama Pastor yamuhamagaye inshuro nyinshi aramubura, ubwo yahise afungura WhatsApp maza asanga umwe mu nshuti ye, amubwira ko Pastor Théogene yitabye Imana azize impanuka.
Murungi Sabin yahise akora uko ashoboye kose maze ahamagara Assia, nawe amuhamiriza ko umugabo we yapfuye, ati “Daddy yitabye Imana”, gusa amuvugishije atungurwa no kumva akomeye, abo bari kumwe ngo bo baketse ko ari ihungabana yagize.
Murungi Sabin yahise akora uko ashoboye kose ashaka amukuru y’ahabereye impanuka, mazw Mama Pastor ahita ajya muri Uganda ahabereye impanuka.
Agezeyo ngo yabwiye Sabin ko Pastor Théogene ariwe wari utwaye imodoka ye asanzwe atwara arikumwe n’umusore usanzwe umufotora ndetse n’abandi bantu 2, barimo bataha bava Uganda baje mu Rwanda bageze hafi y’umupaka.
Iyo modoka yabo yaje kugongwa na Bus itwara abagenzi yo muri Uganda, igwa hejuru y’iyabo. Ubitabazi bwaje, gusa imodoka yaje gukurura iyo Bus yari hejuru y’iyo ba Pastor Théogene barimo, yari ifite imbaraga nke kuku yayikururaga maze iyo Bus ikayirusha imbaraga ikongera ikagwa hejuru ya ba Pastor.
Byaje gutuma 3 bari muri iyo modoka bitaba Imana, ku ikubitiro Pastor Théogene yakuwemo yashizemo umwuka kubera ko yari imbere, gusa wa musore umufotora niwe wakuwemo agihumeka ariko yakomeretse bikabije ndetse ajya no muri ‘Koma’.
