HARAGIRIMANA Dieudonne
Bahavu Usanase Janet wamamaye muri filime ya city maid yakinnyemo yitwa Diane, yatangaje ko amaze iminsi arwaye Covid-19. Ibi Janet yabitangarije mu mashusho yanyujijwe kuri channel ya YouTube ya Fleury&Janet.
Bahavu kuri ubu ukuriwe, yatangaje ko mu minsi ishize yanduye Covid-19 gusa kuri ubu ngubu arimo koroherwa akaba yaboneyeho n’umwanya wo gusaba abafana be kumusengera. Umugabo we, Fleury Ndayirukiye, yavuze ko ariwe wabanje kurwara Covid-19 gusa nyuma Bahavu nawe aza kuyirwara ndetse Bahavu yerekanye isaha ya RBC yambitswe isanzwe yambikwa abarwayi ba Covid-19 kugirango babashe kumenya aho abo barwayi baherereye.
Muri aya mashusho yashyizwe kuri YouTube ari naho abafana ba Fleury&Janet bamenyeshejwe ko Janet yarwaye Covid-19, umugabo wa Janet ariwe Fleury yasengeye umugore we amusabira ku Mana ngo abashe gukira Covid-19 ndetse asaba n’Imana kubarindira abafana babo.
