Epaphrodite Nsengimana
Police y’Igihugu yatangaje ko yataye muri yombi abantu 5 bateye amabuye imodoka yari itwaye Ikipe ya Al Hilal Benghazi ku myitozo bakayimena ibirahuri ndetse bakomeretsa umwe mu batoza bayo.
Abafashwe ni abana gusa ngo babikoze ku gicamunsi cyo ku wa Kane tariki 28 Nzeri ubwo Al Hilal Benghazi yari igeze kuri KigaliPelé Stadium mbere y’uko yinjira.
Umuvugizi wa Polisi y’Igihugu, ACP Boniface Rutikanga yemereye Ihihe dukesha iyi nkuru avuga ko aba bana bagiye gushyikirizwa Urwego rw’Igihugu rw’Ubugenzacyaha, RIB ngo ibakoreho iperereza hamenyekane icyabibateye.
Biteganyijwe ko Rayon Sports izakira Al Hilal Benghazi kuri uyu wa Gatandatu tariki 30 Nzeri 2023, mu mukino wo kwishyura w’ijonjora rya kabiri rya CAF Confederation Cup doreko umukino ubanza warangiye amakipe yombi anganyije igitego 1-1 kuri Kigali Pele Stadium.
Rayons nayo yitonde umwarabu nimubi yamutungura, Kandi ndikubyiyumvamoko rayons yavamo