Baduteye imbabazi: Cecile Kayirebwa yasutse amarangamutima ye ku bana babataramiye mu mbyino gakondo -AMAFOTO

Cécile Kayirebwa wari watumiwe muri iki gitaramo yishimiye uburyo aba banyeshuri batozwa umuco nyarwanda bakiri bato abasaba gukomeza gusigasira umuco batojwe.

Ubwo uyu muhanzikazi yari ageze ku rubyiniro yateruye agira ati “Aba bana batubyiniye, batwishimiye , baduteye imbabazi , ubwo ndavuga abana barimo n’abuzukuruza banjye nanezerewe cyane ntakindi nabona nabavugaho mukomere cyane kubyiza mwatojwe.”

Umuhanzikazi Cécile Kayirebwa wanyuzwe n’imbyino aba banyeshuri batojwe yabaririmbiye indirimbo zirimo ,Umukobwa, Cyusa, Marebe n’izindi.

Cécile Kayirebwa yari agaragiwe n’abakobwa b’abaririmbyi batanu barimo umuhanzikazi Audia Intore n’itsinda rya Ange na Pamella.Yihanganishije ababuze ababo muri Jenoside yakorewe Abatutsi, mu gihe habura iminsi mike u Rwanda rukinjira mu bihe byo kwibuka.

Umuhanzi Andy Bumuntu wari utegerejwe na benshi niwe wasoje iki gitaramo aririmba indirimbo zirimo, ‘Mine’ ’Igitego’. ‘Valentine’ , ‘Appreciate’ na ‘On Fire’.