Epaphrodite Nsengimana
Rutahizamu wa Rayon Sports, Leandre Willy Essombe Onana, azasoza amasezerano ye muri iyi kipe ubwo shampiyona izaba irangiye, doreko ibura imikino 2 gusa ngo isozwe.
Nyuma y’amakuru yavuzwe ko ikipe ya Simba SC yo muri Tanzania ushaka uyu rutahizamu, hari andi makipe yo mu Barabu ashaka kugura Onana, gusa hari ihabwa amahirwe kurusha andi ikaba irikumuha akayabo k’amamiliyoni.
Amakuru dufite avuga ko ikipe ya Al-Jandal yo mu kiciro cya kabiri muri Arabia Saudite, iri gutanga ibihumbi 400 by’amadorari angana nka miliyoni 400Frw ategerejwe gutangwa kuri rutahizamu wa Rayon Sports Leandre Willy Essombe Onana.
Nta gihindutse, mu mwaka utaha w’imikino, Onana azaba ari gukina muri Arabia Saudite, ahari kubarizwa Cristiano Ronaldo we ukina mu kiciro cya mbere muri Al-Nassr.
