“Ayo ni amahomvu yuzuye” Marcus Rashford agaruka ku masezerano ye mashya i Manchester

Marcus Rashford, rutahizamu wa Manchester United yahakanye amakuru yavugwaga ku masezerano mashya muri iyo kipe.

Marcus Rashford w’imyaka 25 y’amavuko, uyu rutahizamu ukomeje kwigaragaza cyane mu ikipe ya Manchester United dore ko amaze gutsinda ibitego 27 agatanga n’imipira 6 ibyara ibitego muri uyu mwaka w’imikino.

Rashford ugeze mu mezi 15 ya nyuma ku masererano ye i Manchester hakomeje kuza impuhwa nyinshi zivuga ibyo yaba yarasabye United ngo yongere amasezereno.

Ikinyamakuru Dail Star giherutse kwandika ko ,Rashford yasabye Manchester United ko yazajya imuhemba ibihumbi magana atanu by’Amapawundi ku cyumweru nk’umushara we.

Ibi Marcus Rashford yagiye ku rukuta rwe rwa Twitter arabihakana avuga ko ari ibinyoma n’amahomvu gusa ko we n’ikipe bubahana bazi icyo bazakora.
Marcus Rashford yagize ati: “Mbere yuko uyu atangira gukirakwiza ibi! Ni amahomvu yuzuye . Ikipe nanjye ubwanjye turubuhaba, kandi niko bizagumaho.

“Icyo nibandaho ni ukurangiza neza muri shampiyona no gutwara ibikombe.”