Epaphrodite Nsengimana
Mutesi Jolly wegukanye ikimba rya Nyampinga w’u Rwanda 2016 yatangaje ko yifuza kubyara umwana w’umukobwa nyuma yo kureba uburyo imfura ya Beyonce na Jay Z, Blue Ivy asigaye aherekeza nyina bagataramana mu bitaramo bitandukanye.
Jolly yabivuze nyuma yo kunyurwa n’amashusho Beyonce ari kumwe n’umukobwa we w’imfura ku rubyiniro hamwe n’abandi babyinnyi bataramira abarenga ibihumbi 70 bitabiriye igitaramo “Renaissance World Tour” cyabereye mu Bufaransa kuri Sitade de France.
Abinyujije ku rukuta rwe rwa Twitter, Mutesi Jolly yashyizeho amashusho mato ya Beyonce n’umukobwa we maze arenzaho amagambo agira ati “” Ndashaka umwana w’umukobwa nonaha, ibi ni byiza kubireba”.
Ni mu gihe hamaze iminsi ku mbuga nkoranyambaga zitandukanye, havugwa amakuru ko Mutesi Jolly yaba atwite.
we are literally watching Blue Ivy perform with Beyoncé, it’s legendary😭 pic.twitter.com/XZtYNhmryX
— 𝗱𝗮𝗻𝗻𝘆🫧💚 (@beyoncegarden) June 3, 2023
