HARAGIRIMANA Dieudonne
Ishyirahamwe ry’umupira w’amaguru mu Bwongereza, ryemeje ko ritazahana ikipe ya Arsenal bitewe n’uburyo bishimye igitego cy’intsinzi cyo ku munota wanyuma bakina na AFC Bournemouth.
Igitego cyo ku munota wa 97 cya Reiss Nelson ni cyo cyatumye Arsenal ibona igitego cya 3 bituma umukino urangira ari ibitego 3-2.
Ibi byatumye abakinnyi n’abatoza bishimira intsinzi mu buryo bwari bwiswe ko bunyuranyije n’amategeko.
Muri raporo Chris Kavanagh wari wasifuye uyu mukino yari yatanze hari harimo ikibazo ko abatoza ndetse n’abakinnyi bari bari ku ntebe y’abasimbura ba Arsenal bishimiye igitego cya Nelson binjira mu kibuga kandi bitemewe.
Ibi nibyo byatumye akanama gashinzwe imyitwarire mu ishyirahamwe ry’umupira w’amaguru mu Bwongereza batangira kugenzura iyi raporo ariko batangaje ko nta bihano bari bubahe.
