THIERRY Mugiraneza
Amakipe arimo Arsenal na FC Barcelona ahanganiye rutahizamu wa Borussia Monchengaladbash , Marcus Thuram uri mu mezi ane ya nyuma ku masererano ye.
Isoko ry’igura n’igurisha ry’abakinnyi ku mugabane w’i Burayi ryo mu mpeshyi rirabura amezi ane ngo rifungure. Nubwo habura ayo mezi yose amakipe atandukanye ubu yatangiye kurambagaiza abakinnyi izifuza kugura ubwo rizaba rifunguwe.
FC Barcelona na Arsenal ziyoboye urutonde rwa shampiyona mu bihugu zikinamo, Arsenal irayoboye mu Bwongereza naho FC Barcelona ikaba iyoboye muri Espagne.
Kugeza ubu ayo makipe yombi biravugwa ko ku isoko ryo mu mpeshyi azaba ahanganiye umukinnyi wa Borussia Monchengaladbash, ikipe isanzwe ikina shampiyona y’ikiciro cya mbere mu Budage, uwo rutahizamu akaba ari Marcus Thuram.
Marcus Thuram umufaransa w’imyaka 25 y’amavuko, akaba akina nka rutahizamu wa Borussia Monchengaladbash.
Thuram ubu umaze gutsindira Monchengaladbash ibitego 14 akanatanga imipira ine ibyara ibitego mu mikino 24 amaze gukina muri uyu mwaka w’imikino. Inkuru zisohora Thuram mu Budage zatangiye kuba kimomo ubwo umuhagarariye yavuga ko uyu mukinnyi atazongera amasezereno ye muri iyo kipe kandi ubu arabura amezi ane.
FC Barcelona iramwifuza cyane ngo azaze kongera imbaraga mu busatirizi bwayo kuko babona ko Robert Lewandowisk adahagije wenyine nyuma y’uko Memphis Depay agiye ndetse bakaba bateganya kuzasohora Ferran Torres na Ansu Fati mu mpeshyi. Arsenal nayo ikaba ishaka Thuram ngo azaze gufasha mu busatirizi bwayo kuko isanga Gabriel Jesus na Nketiah itabarambirizaho bonyine.
