Arsenal ibyayo bigiye gusobanuka uyu munsi ku isaha ya 17:30, dore uko bihagaze

Mu mikino ya Premier League yo ku munsi wa 9 kuri iki cyumweru, hategerejwe umukino ukomeye cyane uzahuza Arsenal iri mu bihe byayo byiza na Liverpool ifite umutoza utari gusinzira bitewe n’uko ikipe ye iri kwitwara muriyi minsi.

Kuri iki cyumweru saa kumi n’imwe n’igice z’umugoroba, ikipe ya Arsenal nitsinda irahita ifata umwanya wa mbere n’amanota 24, irakira  Liverpool iri ku mwanya wa 9 n’amanota icumi.

Kuva Shampiyona y’Abongereza yatangira, mu mikino umunani Arsenal imaze gukina, yatsinzwemo umwe gusa itsinzwe na Manchester United ibitego bitatu kuri kimwe.

Liverpool yo mu mikino 7 imaze gukina, yatsinzwemo umwe wa Manchester United itsinzwe  ibitego 2-1. Imaze kunganya imikino myinshi kuko yanganyije imikino 4, itsinda imikino ibiri gusa. Iyo urebye iyo mibare yose ubona ko Liverpool iri hasi cyane ya Arsenal.

Mbere y’uko Premier League itangira, ikipe ya Liverpool yahabwaga amahirwe yo kuba yatwara igikombe, gusa ari kugenda ayoyoka.

Bimwe mu bibazo Liverpool iri kugenda ihura nabyo harimo nko kuba nta bakinnyi benshi ifite bari ku rwego rumwe nk’uko Manchester City bahangana imeze.