APR FC yitoraguriye zahabu! Umukinnyi wa APR FC akomeje kuba umucunguzi ahantu hose

Umukinnyi mushya ikipe ya APR FC yaguze avuye muri Rayon Sports Niyigena Clement akomeje kuba Umucunguzi mu makipe yose arimo gukinira.

Ku munsi w’ejo hashize tariki ya 2 ukwakira 2022, ikipe ya APR FC yakinnye umukino wa mbere muri Shampiyona nyuma yo kuva mu gikombe cya CAF Champions league.

Iyi kipe yari yasuye ikipe ya Rwamagana City kuri Sitade ya Ngoma, iyi kipe iza no kwitwara neza itsinda ibitego 3-2 nubwo yari intsinzi yabonetse bigoranye cyane.

Muri uyu mukino Niyigena Clement yaje gutabara iyi kipe ye kuko niwe watsinze igitego 3 nyuma y’ibitego 2 byayo byari byamaze kwishyurwa na Rwamagana City.

APR FC yari yatsindiwe na Mugisha Gilbert, Nizeyimana Djuma wari umaze iminsi mu bihano ndetse na Niyigena Clement waje acungura APR FC ku munota wa 87.

Niyigena Clement ntabwo guheka ikipe ari ubwa mbere abikoze kuko no mu mukino ikipe y’igihugu y’u Rwanda y’abatarengeje imyaka 23 yaje gutsinda ibitego 2 muri 3 basabwaga gutsinda ikipe ya Libya mu mukino wo kwishyura kugirango bakomeze mu kindi cyiciro bazahuramo n’igihugu cya Mali.

APR FC uyu mukino yatsinze byatumye ihagarara ku mwanya wa 7 n’amanota 6 ariko ifite imikino 2 y’ibirarane yagize ubwo yakinaga iyi mikino nyafurika.