APR FC yamaze gusinyisha umuzamu w’ikipe bihanganira igikombe buri mwaka

Ikipe ya APR FC iri mu byishimo byinshi muri iyi minsi yamaze gusinyisha umuzamu mushya wiyongera kuri Pierre na Alexandre.

Ku cyumweru ejo hashize ikipe ya APR FC yabashije kubona intsinzi biyigoye cyane itsinze ikipe ya Bugesera FC ibitego 2-1 nubwo yari yabanjwe igitego mu gice cya mbere.

Iyi kipe nubwo irimo gutsinda, ikomeje no kwiyubaka ari nako igura abakinnyi igomba kuzakoresha mu mwaka utaha w’imikino. Muri abo bakinnyi, APR FC yamaze gusinyisha Ndikumana Danny ukomoka mu gihugu cy’u Burundi wigaragaje cyane ejo bundi mu mikino ya EAPCCO Games ihuza abapolice bo muri Afurika y’iburazirazuba.

Uyu musore bivugwa ko yamaze gusinya amasezerano y’imyaka 2, umwaka utaha azaba ari muri iyi kipe y’ingabo z’igihugu. Amakuru YEGOB twamenye ni uko ikipe ya APR FC yamaze no gusinyisha Ntwari Fiacre usanzwe afatira ikipe ya AS Kigali.

Ntwari Fiacre, iyi kipe yamushatse cyane mu mwaka ushize ariko ntibyakunda ko imugura ariko byamaze kwemezwa ko azakinira iyi kipe nyuma yo kwigaragaza mu ikipe y’igihugu y’u Rwanda Amavubi iheruka gukina imikino yo gushaka iteke yo kwerekeza mu gikombe cy’Afurika.

APR FC iracyayoboye urutonde rw’agateganyo rwa shampiyona n’amanota 52, ikurikiwe n’ikipe ya Kiyovu Sports ifite amanota 50, izi zose zikurikiwe na Rayon Sports iri ku mwanya wa 3 n’amanota 46.