APR FC yashimye ikintu kimwe rukumbi gikomeye Espoir FC yakoze kuri uyu mukino cyananiye amakipe menshi

Ikipe ya APR FC ndetse n’abakunzi b’umupira muri rusange bashimye cyane ikipe ya Espoir FC nyuma yo kwerekana imyinjirize myiza y’abafana ku mukino wahuje Aya makipe yombi.

Ntabwo bikunze kushoborwa n’amakipe menshi mu gihe cy’umukino ko abafana bashobora kwinjira neza muri Sitade cyane ko byakunze kubaho mu minsi yashyize ugasanga imbere ya Sitade hari akavuyo, abantu bashaka kwinjirira ubusa.

Si uko byagenze rero kuri uyu mukino wahuje Espoir FC na APR FC bikarangira …… , kuko Ikipe ya Espoir FC yerekanye ko yari yiteguye neza cyane uyu mukino nubwo bitagenze neza.

Ntiwavuga ko impamvu Espoir FC yinjije abantu neza ko ari ukubera abafana igira ari bacye cyangwa abantu bitabiriye uyu mukino ari bacye ahubwo bari benshi cyane kandi banishyuje amafaranga menshi ugereranyije n’imikino yari isanzwe yakira dore ko ahasanzwe yari yishyuje 2000 kandi ubusanzwe yishyuza 1000 gusa.

Ibi iyi kipe yakoze byabaye nkibizamura amarangamutima y’abantu benshi bakurikirana umupira byahafi, benshi bakanahuriza ku kintu cyo kuvuga ko amakipe menshi yagakwiye kwigira kuri ibi Espoir FC yerekanye.