HARAGIRIMANA Dieudonne
APR FC yahinduye ikibuga cy’imyitozo kugirango yerekane abakinnyi bose b’abanyamahanga yaguze
Ikipe ya APR FC nyuma yo kugura abakinnyi b’abanyamahanga ikaba yaratangiye imyitozo, yemeje aho izakorera kugirango yereke abafana abakinnyi baguzwe.
Kuwa gatanu w’icyumweru gishize nibwo ikipe ya APR FC yatangiye imyitozo ariko imyitozo yo gukora ku mupira itangira muri iki cyumweru turimo ku munsi wo kuwa mbere.
APR FC kuva yatangira imyitozo ntabwo iyi kipe iratangaza kumugaragaro ko iyi myiteguro ya Shampiyona yemewe kurebwa n’abafana ariko amakuru dufite ni uko APR FC yamaze kwemeza ko kuwa mbere w’icyumweru gitaha abafana bazaba bemerewe kureba imyitozo.
Iyi myitozo izabera kuri Kigali Pelé Stadium aho kubera Ishyorongi aho iyi kipe isanzwe ikorera imyitozo. Impamvu ubuyobozi bwashyize imyitozo kuri iyi Sitade ni ukugirango bereke abafana abakinnyi bashya baguzwe izifashisha uyu mwaka.
