APR FC nyuma yo kuyishinja kuba inyuma y’ibyabaye kuri Rayon Sports, abakinnyi bayo igenderaho batewe ishavu n’iki kintu FERWAFA yateje mu mupira w’u Rwanda

Abakinnyi ikipe ya APR FC igenderaho batewe agahinda gakomeye no gusezera kw’ikipe ya Rayon Sports mu gikombe cy’amahoro cy’uyu mwaka.

Benshi baribaza uko igikombe cy’amahoro uyu mwaka kizaba kimeze nyuma yo kuba amakipe menshi kandi akomeye hano mu Rwanda akomeje gusezera mu gikombe cy’amahoro. Byatangiye ikipe ya AS Kigali isezerano iza gukurikirwa na Gasogi United none n’ikipe ya Rayon Sports yasezeye kubera ibintu bitumvikana ubona mu bayobora FERWAFA.

AS Kigali na Gasogi United gusezera ntabwo byateje impagarara cyane, ariko nyuma yaho ikipe ya Rayon Sports imaze gutangaza ko isezeye byavugishije benshi bamwe birababaza mu buryo bwose ndetse n’abakinnyi bamwe na bamwe mu makipe ahanganye n’iyi kipe bagaragaza amarangamutima yabo.

Mu bakinnyi bababajwe cyane n’ikintu ikipe ya Rayon Sports yakoze harimo abakinnyi b’ikipe ya APR FC barimo Niyigena Clement, Manishimwe Djabel ndetse na Mugisha Gilbert bose baguzwe bavuye muri iyi kipe y’abafana benshi hano mu Rwanda.

Ibi byabaye nyuma yaho FERWAFA yimuye umukino ikipe ya Rayon Sports yari ifitanye n’Intare FC, ubuyobozi bwa Rayon Sports ntibwishimira iki kintu FERWAFA ikoze ibatunguye kandi bari bamaze gutegura byose bikenewe kugirango umukino ube bahita bafata umwanzuro wo gusezera muri iki gikombe.