APR FC na Rayon sports harimo amanota 7 y’ikinyuranyo igikombe tukibarire hehe?. Ni iyihe kipe iribusigare mucyiciro cya mbere hagati ya Etincelles FC na Bugesera FC.

Mumpera z,icyumweru dusoje imikino ya shampiyona y’icyiciro cyambere hano mu Rwanda [Rwanda primus league] yarakomezaga umunsi wayo wa 23 .

Ikipe ya APR FC yari yakiriye ikipe ya Etincelles FC yo mukarere ka Rubavu itsinda igitego cyimwe ku busa cyatsinzwe n’umunya-Sudan  Sharafeldin Ali Shaiboub.

Undi mukino wahuje ikipe ya Sunrise FC na Rayon sports yari yagiye mu karere ka Nyagatare maze iza kuhakura amanota atatu ibifashijwemo n’umusore wayo Tuyisenge Arsene watsindiye ibitego bibiri umukino ukaza kurangira ari ibitego bibiri kuri zero.

Ikipe ya Gasogi United yakinnye n’ikipe ya Marine FC maze ibifashijwemo n’abasore bayo barimo  Kabanda Serge ndetse na Rugangazi Prosper itsinda ibitego bibiri kuri zero.

ikipe ya Musanze  FC yatsindaga ikipe ya Muhazi United igitego kimwe kuri zero.

Ku munsi wo ku wagatandatu ikipe ya Police FC yatsinzwe na Kiyovu sports ibitego bibiri kuri kimwe.

Ikipe ya Mukura yatsinze ikipe ya Bugesera ibitego bibiri kuri zero .

Nyuma y’umukino wahuje ikipe ya APR FC na Etincelles FC abafana bafashe ibyapa basaba ko umukuru wigihugu cy’u Rwanda yagira icyo abafasha ngo ikipe yabo ntijye mucyiciro cya kabiri ndetse batabaza n’umuyobozi w’Intara y’uburengerazuba bamusaba kubabariza impamvu akarere ka Rubavu katereranye ikipe yabo.