Kubwayo Mc croix
Ku Cyumweru tariki ya 10 Ugushyingo 2024, ikipe ya APR FC yanganyije na Rutsiro FC ubusa ku busa mu mukino w’umunsi wa gatatu wa Shampiyona y’u Rwanda, Rwanda Premier League 2024-25, wabereye kuri Kigali Pele Stadium. APR FC yongeye gutakaza amanota, bituma igira umusaruro muke n’amanota umunani mu mikino itanu. Ibi byatumye iza ku mwanya wa 11 mu gihe Rutsiro FC ifite amanota icyenda ikaba iri ku mwanya wa 10.
Umukino wabaye uw’ihangana rikomeye hagati y’amakipe yombi, APR FC igerageza gusatira cyane ariko igitego kirananirana, naho Rutsiro FC ikarokorwa kenshi n’umuzamu Matumele Arnold wagiye yitwara neza cyane akuramo imipira ikomeye. N’ubwo iminota 90 yagenze, umusifuzi yongeraho iminota umunani y’inyongera ariko nta gikozwe, umukino urangira amakipe yombi anganya.
Uyu musaruro udashimishije ku ruhande rwa APR FC wateye impungenge abakunzi b’iyi kipe basigaye biyumvisha ko igitutu kiyongereye ku mutoza kubera amanota make APR FC ifite mu mikino itanu ya mbere.
Amafoto y’ibyaranze umukino
