Apotre Masasu na Miss Rwanda 2017 Iradukunda Elsa ntibagicana uwaka(Impamvu)

Mu ijoro ryo kuwa gatandatu tariki ya 25 gashyantare nibwo umukobwa Iradukunda Elsa yegukanye ikamba rya nyampinga w’u Rwanda 2017, ryari ijoro ridasanzwe kuri uyu mukobwa watunguranye kubera ko atahabwaga amahirwe menshi nkabo bari bahanganye. Uyu mukobwa mu biganiro bitandukanye yagiye agirana n’ibitangazamakuru bitandukanye yakomeje kugaragaza ibyishimo bidasanzwe yatewe no kwegukana iri kamba ndetse akomeza no gushimira abafana be bamuteye ingabo mu bitugu.

Uyu mukobwa mu gukomeza aganira n’itangazamakuru yakomeje kwerekana ko ari n’umukirisito usengera mu idini rya Restoration Church i Gikondo rihagarariwe na Apotre Masasu Josua, nyuma yo gutangaza kandi ko insinzi ye ayikesha Imana ndetse no guhamya ukwemera kwe, amakuru agera kuri Yegob aravuga ko Apotre Masasu Josua adashyigikiye na gato irushanwa rya nyampinga.