Antoinette Niyongira yavuze ibanga ryihariye rya Miss Keza Joannah | Sandrine Isheja Butera n’abandi bakorana kuri KISS FM yabavuzeho (video)

Umunyamakuru Antoinette Niyongira ukorera kuri Radio 102.3 KISS FM yavuze amagambo akomeye ku banyamakuru bagenzi be bakorana aribo Keza Joannah, Cyuzuzo ndetse na Sandrine Isheja Butera. Ni mu kiganiro Antoinette Niyongira yagiriye kuri imwe muri Televiziyo zikorera kuri YouTube.

Kuri Miss Keza Joannah, Antoinette Niyongira yavuze ko yishimiye kuba yarakoze ubukwe ashimangira ko Keza ari umugore mwiza. Yagize ati « Ohh narabyishimye cyane buriya abantu batamuzi bamubona ku mafoto gusa ni umugore mwiza w’umuhanga kandi ubishoboye niyo mpamvu ari kuri Kiss Fm urumva rero narabyishimiye ko agira n’urugo… ».

Kuri Cyuzuzo, Antoinette Niyongira yavuze ko anezerewe kubera ko yabonye fiancé. Yagize ati « Urumva nawe afite fiancé ni byiza harindi ntambwe yateye mu rukundo, aranezerewe no ku mafoto uba ubibona ko anezerewe uwo munezero rero w’inshuti yanjye niwo wanjye, nawe ndabyishimira ».

Antoinette Niyongira yanavuze kuri Sandrine Isheja Butera usanzwe ari na marraine we. Yagize ati « Ni marraine wanjye, ni inshuti yanjye, ni umukozi dukorana… ». Antoinette Niyongira kandi yanahishuye ko atangira gukora itangazamakuru yakoranye na Sandrine Isheja Butera mu kiganiro Isango Relax Time cyanyuraga kuri Radio Isango star.