Kubwayo Mc croix
Giannis Antetokounmpo yongeye kwerekana ubuhanga bwe, atsinda amanota 40 cyangwa arenga ku nshuro ya gatatu muri uyu mwaka w’imikino. Uyu mukinnyi w’ibikomerezwa yafatanyije n’abarimo Brook Lopez na Damian Lillard, batsinze amanota 21 na 20 buri umwe, mu ntsinzi y’ikipe ya Milwaukee Bucks ku ikipe ya Chicago Bulls. Zach LaVine ni we watsindiye Bulls amanota menshi (27), gusa ntibyabujije Bucks gutsinda ku manota 104-102 mu minota igera kuri umunani mbere y’uko umukino urangira.
Iyi ntsinzi yatumye Bucks babona insinzi ya kane mu mikino itanu iheruka, nyuma yo gutangira nabi batsinda ibiri gusa mu mikino 10 ya mbere. Kuri ubu, iyi kipe iri ku mwanya wa cyenda mu Burasirazuba.
Ku rundi ruhande, Cleveland Cavaliers basubiye ku murongo nyuma yo gutsindwa umukino wa mbere w’uyu mwaka, batsinda New York Pelicans ku manota 128-100. Ty Jerome yatsinze amanota 29, arimo atandatu muri arindwi ya za “three points,” anigaragaza cyane mu gace ka kabiri. Nyuma y’umukino, umutoza Kenny Atkinson yagize ati: “Byari byiza cyane. Ni ibihe by’igitangaza biba gake muri NBA.”
Golden State Warriors, bayoboye Iburengerazuba, batsinze Atlanta Hawks ku manota 120-97. Andrew Wiggins ni we watsinze amanota menshi (27), mu gihe Stephen Curry yongeyeho amanota 23, bafasha Warriors kubona intsinzi ya gatanu yikurikiranya.
