Ancelotti bamwitege indi ntwaro ivuye mu Budage irerekezwa muri Real Madrid.

Ikipe ya Real Madrid yiteguye gukora andi mateka igasinyisha Umukinnyi Jude Bellingham usanswe akinira ikipe ya Borussia Dortmund ku gaciro ka Miliyoni 78 z’amayero.

Real Madrid ikaba atariyo yonyine iri mu kibuga kuko n’ikipe ya Liverpool yagerageje kuzana uyu mwongereza wabashije gukina imikino ine yose mu ikipe y’igihugu, mu mikino ya UEFA Nations League.

Ku makuru dukesha Caduna SER ni uko n’ubundi Real Madrid yari yaragambiriye kumuvana muri iyi kipe guhera mu kwezi kwa mbere, gusa bikaba bisabye ko igiciro cye kiyongera kugirango ave muri Bundesliga.

Nkuko amakuru akomeza abitangaza ni uko Real Madrid yifuza kumuha amasezerano y’imyaka 6 kugeza muri 2028.

Uru rugamba rwo kwegukana Jude Bellingham rukaba rutoroshye kuko Liverpool yo yamaze kugaragaza ko ishaka gutanga miliyoni 86 z’amayero ziruta kure ayo Real Madrid yatanze.