Amerika n’u Bwongereza baburiye abaturage babo bashukwa n’inkumi z’i Kampala zibajyana mu iserukiramuco rizwiho kuberamo ibikorwa by’ubusambanyi

Amerika n’u Bwongereza batanze umuburo ku banyagihugu babo, babashishikariza kwitwararika mu gihe baba bagiye mu iserukiramuco rya ‘Ngeye Ngeye’.

Iri serukiramuco ryatangiye ku wa 09 Ugushyingo 2023, rikaba riri kubera muri Uganda.

Bavugaga ko mu gihugu cya Uganda hari imitwe myinshi y’iterabwoba ikora ibikorwa by’ubugizi bwa nabi ndetse bakaba batanareba n’irihumye abanyamahanga.

Mu muburo batanze, bagiraga inama abaturage babo bashaka kuzitabira iri serukiramuco kwitwararika bakirinda ibintu bimwe na bimwe bishobora kubashora mu kugwa mu mutego w’imitwe y’iterabwoba ikorera muri iki gihugu.

Muri ibyo bagomba kwirinda, harimo kutajya mu mujyi wa Jinja, kwirinda kujya mu mashyamba yo muri iki gihugu mu gihe cyose baba babona nta mutekano uhagije bafite, kwirinda kujya ahantu hateraniye abantu benshi nko mu rusengero, mu tubyiniriro, mu masoko, mu maduka n’ahandi.