Amavubi imbere ya South Sudan: Ese intsinzi irashoboka mu mukino wo kwishyura?

Ikipe y’Igihugu y’u Rwanda, Amavubi, iritegura gucakirana na South Sudan ku mukino wo kwishyura mu majonjora y’irushanwa rya CHAN 2024. Uyu mukino uteganyijwe kubera kuri Stade ya Kigali tariki ya 28 Ukuboza 2024, saa kumi n’ebyiri z’umugoroba (18:00).

Umukino ubanza wabereye i Juba muri South Sudan warangiye ikipe ya South Sudan itsinze u Rwanda ibitego 3-2, bituma Amavubi asabwa intsinzi ikomeye kugira ngo akomeze mu kindi cyiciro.

Nyuma yo gutsindwa mu mukino ubanza, Amavubi yagaragaje icyizere cyo kugaruka mu mukino wo kwishyura. Abakinnyi barimo MUHIRE Kevin na NIYIGENA Clement biyemeje gutanga ibyo bafite byose kugira ngo bashimishe Abanyarwanda.

FERWAFA yamaze gushyira ku isoko amatike y’uyu mukino, aho ibiciro bitangira ku 1,000 RWF. Abafana barasabwa kuza gushyigikira Amavubi, kuko ari amahirwe yo guhindura amateka no gukomeza mu irushanwa rya CHAN.

Ibiciro by’amatike:

Upper Bowl: 1,000 RWF

Lower Bowl: 1,000 RWF

VIP: 10,000 RWF

Business Suite: 50,000 RWF

Executive Seat: 100,000 RWF

SkyBox: 1,000,000 RWF