Kubwayo Mc croix
Imikino y’umunsi wa kabiri w’irushanwa rya 2024 TotalEnergies African Nations Championship (CHAN) yabaye ku wa Gatandatu, yaragayemo gutungurana cyane.
Ibihugu nka Repubulika Iharanira Demokarasi ya Congo, Senegal, Nigeria, Guinea, Burkina Faso, na Central African Republic byabonye itike yo gukina imikino y’ikiciro gikurikiyeho.
Central African Republic (CAR) yakoze amateka yo kubona itike ya mbere, itsinda Cameroon 2-1 mu mukino wabereye i Bafoussam.
Nyuma y’uko Angel Yondjo Matah atsindiye Cameroon ku munota wa 31, Barry Nelson yishyuriye CAR kuri penaliti, maze Bertillon Arnold Yangana atsindira Santarafurika igitego cy’intsinzi mu minota ya nyuma.
Nigeria nayo yatsinze Ghana 3-1 mu mukino wabereye i Uyo, aho Sadiq Ismail, Nduka Junior, na Saviour Isaac batsinze ibitego mu gice cya mbere, naho Ghana ikabona igitego kimwe cya Stephen Amankona.
Burkina Faso nayo yabashije kwisubiza ikuzo Nyuma gutsindwa 2-0 mu mukino ubanza, itsinda Côte d’Ivoire ibitego bibiri harimo icya penaliti babona Itike yogukomeza muri CHAN nyuma yo gutsinda kuri penaliti 4-2.
DR Congo yakomeje kuyobora muri Afurika, itsinda Tchad 3-1 mu mukino wabereye i Kinshasa, hamwe n’ibitego bya Oscar Kabwit, Jonathan Mokonzi, na Nyembo Ntumba.
Senegal yatsinze Liberia 3-0, ikomeza urugendo rwayo muri CHAN 2024. Ibihugu byabonye itike yo kwitabira iri rushanwa birimo Angola, Burkina Faso, Repubulika Iharanira Demokarasi ya Congo, Guinea, Niger, Nigeria, u Rwanda, Senegal, Sudan, na Zambia.
Imikino irakomeza kuri iki cyumweru kugira ngo hamenyekane ibihugu byose 18 bizitabira irushanwa rizabera muri Kenya, Tanzania, na Uganda.
