Amashirakinyoma ku mpamvu Bwiza, Kenny Sol , ndetse na Bushali ari bo bakunze kugaragara mu bitaramo byinshi

Amashirakinyoma ku mpamvu Bwiza, Kenny Sol , ndetse na Bushali ari bo bakunze kugaragara mu bitaramo byinshi.

Ku mugoroba wo kuwa 14 Ukuboza 2022 nibwo habaye ikiganiro n’abanyamakuru cyateguwe na East African Promoters.

Mu bibazo byabajijwe n’abanyamakuru batandukanye, habajijwe impamvu abahanzi bagaragara mu bitaramo ari bamwe ariko iyo ngingo ikabura gisubiza yewe bikanatekerezwa ko haba hari bamwe bemera kuririmbira ubuntu kugirango bajye muri ibyo bitaramo.

Mu gusubiza ibi bibazo, umuyobozi wa East African Promoters, Mushyoma Joseph yahakanye agira ati “Kuva natangira ibi bintu ntago ndakoresha umuhanzi ntamuhaye amafaranga”, Icyakora uyu mugabo yavuze ko abahanzi nyarwanda batanganya amafaranga kuko n’ubundi batanganya ibikorwa n’amazina.

Bamwe mu bahanzi batunzwe intoki mu bagaragara mu bitaramo kenshi ni Bushali, Kenny Sol na Bwiza ariko n’ubundi igisubizo cyasanze ari bamwe mu bafite ibikorwa byiganje kurusha abandi bahanzi